Աբդուլլահ Գյուլը կդառնա ուխտագնացության մեկնած Թուրքիայի առաջին նախագահը
Թուրքական Vatan թերթի փոխանցմամբ՝ Թուրքիայի նախագահ Աբդուլլահ Գյուլը որոշել է մեկնել ուխտագնացության: Գյուլի նախագահական լիազորությունների ժամկետը սպառվում է 2014 թվականի օգոստոսին, և նա որոշել է մինչ այդ ուխտագնացության մեկնել Սաուդյան Արաբիա:
Գյուլը պլանավորել է ուխտագնացությունն իրականացնել հոկտեմբերի 13-16-ին: Այցի շրջանակներում Գյուլը գտնվելու է Մեքքայում ու Մեդինայում: Ուխտագնացության սեզոնը մեկնարկել է հոկտեմբերին: Նշվում է, որ Գյուլը կդառնա ուխտագնացության մեկնած Թուրքիայի առաջին նախագահը:
