Մադուրոն խորհրդարանին խնդրելու է իրեն օժտել հատուկ լիազորություններով
Ռուսական ИТАР-ТАСС լրատվական գործակալության փոխանցմամբ՝ Վնեսուելայի նախագահ Նիկոլաս Մադուրոն հայտարարել է, որ դիմելու է խորհրդարանին՝ խնդրելով իրեն օժտել հատուկ լիազորություններով, որոնք անհրաժեշտ են բուժուազիայի վարած տնտեսական պատերազմին դիմակայելու համար:
Այս մասին նա հայտարարել է երեկվա հանրահավաքի ժամանակ, որը նվիրված է եղել 2012 թվականի նախագահական ընտրություններում Ուգո Չավեսի հաղթանակի միամյակին: Մադուրոն կարևորել է ժողովրդական ամուր իշխանություն ստեղծելու վերաբերյալ Ուգո Չավեսի սկսած գործն իր ավարտին հասցնելը:
Որպես իր երրորդ առաջադրանք՝ Մադուրոն նշել է վենեսուելական ընդդիմության ֆաշիստական էության բացահայտումը: Նախորդ շաբաթ Մադուրոն հեղափոխության հակառակորդներին սպառնացել էր հատուկ միջոցներ ձեռնարկելով:
Նա ընդդիմությանը մեղադրել է երկրի տնտեսական կայունության դեմ ուղղված հոգեբանական պատերազմ վարելու մեջ և զգուշացրել է, որ իշխանությունները չեն պատրաստվում ոչինչ չանել դրա դեմ: Մադուրոն ընդգծել է, որ եթե հոկտեմբերին ընդդիմությունը չդադարեցնի իր քայքայիչ գործունեությունը, ապա կձեռնարկի հատուկ միջոցներ:
