Նուբարաշենում վագոն-տնակ է այրվել
Հոկտեմբերի 5-ին, ժամը 11.52-ին ահազանգ է ստացվել, որ Երևանի Նուբարաշեն 4-րդ փողոցում այրվում է ոչ բնակելի տնակ:
Դեպքի վայր է մեկնել երկու մարտական հաշվարկ:
Պարզվել է, որ հրդեհը բռնկվել է Խարբերդի ամառանոցների 4-րդ փողոցում` Անուշ այգեգործական ընկերությանը պատկանող թիվ 67 հողակտորում:
Հրդեհը մեկուսացվել է ժամը 12.22 -ին, մարվել՝ 12.37-ին: Ամբողջությամբ այրվել է ոչ բնակելի վագոն- տնակ` 12 քմ մակերեսով:
