Այս տարի երկրից վտարվել է ավելի քան 30.000 օտարազգի. ՌԴ Դաշնային միգրացիոն ծառայություն
Ռուսական РИА Новости լրատվական գործակալության փոխանցմամբ՝ այս տարվա առաջին 9 ամսվա ընթացքում Ռուսաստանի տարածքից վտարվել և արտաքսվել է ավելի քան 30.000 օտար քաղաքացի: Այս մասին այսօր հայտնել է Ռուսաստանի Դաշնային միգրացիոն ծառայության (ФМС) մամլո ծառայությունը:
Վերջինս հավելել է, որ այդ ողջ հաշվետու ժամանակահատվածում գրանցվել է միգրացիոն օրենսդրության մոտ 2 միլիոն վարչական խախտում: Ռուսաստան մուտք գործելն արդեն իսկ փակ է 250.400 օտարազգիների համար:
Ընդհանուր առմամբ, ФМС-ի տվյալներով՝ ներկայումս երկրի տարածքում է գտնվում 11.3 միլիոն օտար քաղաքացի:
Հիշեցնենք, որ Ռուսաստանի նախագահ Վլադիմիր Պուտինն այսօր հայտարարել է, որ Ռուսաստանի իշխանությունները խստացնելու են միգրացիոն ոլորտի օրենսդրությունը՝ խախտումների համար սահմանելով ընդհուպ մինչև քրեական պատասխանատվություն:
