Վենեսուելան այսուհետ կկործանի նարկոմաֆիայի ինքնաթիռները. Նիկոլաս Մադուրո
Ռուսական ИТАР-ТАСС լրատվական գործակալության փոխանցմամբ՝ Վենեսուելայում ուժի մեջ է մտել այն օրենքը, որը թույլ է տալիս կործանել երկրի տարածքի վրայով թռչող նարկոմաֆիայի ինքնաթիռները: Այս մասին երեկ զինվորականների հետ հանդիպման ժամանակ հայտարարել է Վենեսուելայի նախագահ Նիկոլաս Մադուրոն.
«Թող միջազգային նարկոմաֆիան իմանա, որ այս պահից սկսած՝ յուրաքանչյուր ինքնաթիռ, որը Վենեսուելայի օդային տիրույթ կմտնի թմրանյութեր փոխադրելու համար, պետք է հրամանի համաձայն վայրէջք կատարի կամ էլ կկործանվի մեր կործանիչների կողմից»:
Օրինագծի մշակումը մեկնարկել է դեռևս Մադուրոյի նախորդի՝ Ուգո Չավեսի ժամանակ: Վենեսուելայի Ազգային ասամբլեան նախորդ տարվա մայիսին միաձայն հավանության է արժանացրել այն:
