Թուրքիայի ռազմաօդային ուժերը HÜRKUŞ ուսումնական ինքնաթիռներ կստանան 2017 թվականին
Թուրքական Anadolu լրատվական գործակալության փոխանցմամբ` թուրքական արտադրության առաջին ուսումնական ինքնաթիռ HÜRKUŞ-ը Թուրքիայի ռազմաօդային ուժերին հանձնվելու է 2017 թվականին: Սրանից առաջ հաղորդվում էր, որ Թուրքիայի պաշտպանական արդյունաբերության գործադիր կոմիտեի նիստում որոշվել սկսել HÜRKUŞ-ի զանգվածային արտադրություն:
Թուրքիայի ռազմաօդային ուժերի տվյալներով`առաջին փուլում արտադրվել է HÜRKUŞ տիպի 15 ինքնաթիռ: Հետագայում կարող է մեծացվել ինքնաթիռների արտադրությունը` կախված Թուրքիայի ռազմաօդային ուժերի հրամանատարության որոշումից: HÜRKUŞ-ն առաջին անգամ հաջողությամբ փորձարկվել է այս տարվա օգոստոսի 29-ին: Նախագծի վրա աշխատել է 50 ինժեներ և 350 մասնագետ:
