Այսօր մեկնարկում են թուրք-վրացական համատեղ վարժանքները
Թուրքիայի զինված ուժերի Գլխավոր շտաբի պաշտոնական կայքի փոխանցմամբ՝ այսօր մեկնարկում են Թուրքիայի ու Վրաստանի զինված ուժերի Սահմանապահ զորքերի ստորաբաժանումների համատեղ վարժանքները:
Վարժանքներն անցկացվելու են թուրքական «Թյուրքգյոզու» և վրացական «Վալե» սահմանային անցակետերի միջև ընկած տարածքում: Համատեղ վարժանքները տևելու են մինչև սեպտեմբերի 27-ը:
Վարժանքների անցկացման նպատակը երկու երկրների սահմանապահ զորքերի միջև փոխգործակցության բարելավումն է, ինչպես նաև արտակարգ իրավիճակներին պատրաստվելը:
