Կահիրեի մետրոպոլիտենում ռումբեր են հայտնաբերվել
France-Presse լրատվական գործակալության փոխանցմամբ՝ Կահիրեի մետրոպոլիտենում այսօր հայտնաբերվել է երկու ռումբ: Դրանք հայտնաբերվել են մայրաքաղաքի հարավային հատվածում գտնվող կայարաններից մեկում:
Reuters գործակալության պնդմամբ՝ ռումբերը հայտնաբերվել են Կահիրեի հյուսիս-արևելյան հատվածում՝ Helmeyet el-Zaytoun կայարանում: Այս մասին հայտնել են իշխանությունների անանուն ներկայացուցիչները: Իրավապահ մարմինները կաասեցրել են մի շարք ուղղություններով երթևեկությունը:
Դրանից հետո մասնագետները սկսել են զննել մյուս գծերը և կայարանները՝ համոզվելու համար, որ չկան այլ ռումբեր ևս: Սակրավորներին արդեն իսկ հաջողվել է վնասազերծել հայտնաբերած ռումբերը: Խոսքը գնում է երկու պարզունակ պայթուցիկ սարքերի մասին:
