Բնակարանում հայտնաբերել են զենք-զինամթերք
Սեպտեմբերի 13-ին, ժամը18.00-ին, ոստիկանության Վաղարշապատի բաժնի ծառայողները մի քրեական գործի շրջանակներում խուզարկություն են կատարել Վաղարշապատի բնակիչ, 1971 թ. ծնված Հ.-ի բնակարանում և օժանդակ շինություններում, որտեղից հայտնաբերվել և առգրավվել է 16 մմ տրամաչափի երկփողանի որսորդական հրացան, որսորդական գոտի` լիցքավորված 16 մմ տրամաչափի 15 փամփուշտով, գազային ատրճանակ` լիցքավորված 10 գնդակով, «Վեպր» տիպի որսորդական հրացան, 9 մմ տրամաչափի 5 փամփուշտ, 5,45 մմ տրամաչափի 1 փամփուշտ, ինքնաձիգի 2 պահունակ, որից մեկը՝ լիցքավորված 5,45 մմ տրամաչափի 30 փամփուշտով, իսկ մյուսը` 7,62 մմ տրամաչափի 8 փամփուշտով, և «ՌԳԴ» տիպի նռնակ` պայթուցիչով:
Հայտնաբերվածն ուղարկվել է փորձաքննության:
Կատարվում է նախաքննություն:
