Հորդանանը թույլ չի տա, որ իր տարածքից հրթիռային հարված հասցվի Սիրիային
Ամերիկյան Associated Press լրատվական գործակալության փոխանցմամբ՝ Հորդանանի տեղեկատվության նախարար Մուհամմեդ Մանին երեկ հայտարարել է, որ Հորդանանի իշխանությունները թույլ չեն տա, որ երկրի տարածքից հրթիռային հարված հասցվի Սիրիային:
Մանին ընդգծել է, որ Հորդանանը չի վերածվի Սիրիայի դեմ արևմտյան ուժերի հենակետի: Ավելի վաղ նշվում էր, թե ԱՄՆ-ը (ԿՀՎ) Հորդանանի տարածքում ռազմական դասընթացներ է անցկացնում սիրիացի ապստամբների հետ և նրանց գործուղում է Սիրիա:
