Թուրքիան պատրաստ է Սիրիայում ռազմական գործողություններ վարելու մանդատ հատկացնել. Բյուլենթ Արընչ
CNN Türk հեռուստաալիքին տված հարցազրույցի ժամանակ Թուրքիայի փոխվարչապետ Բյուլենթ Արընչը հայտարարել է, որ Թուրքիան պատրաստ է մանդատ հատկացնել՝ Սիրիայում Արևմուտքի կոալիցիոն ուժերի հետ համատեղ ռազմական գործողություններ անցկացնելու համար.
«Սակայն Սիրիայում ռազմական գործողությունների մանդատի տրամադրումը կախված է լինելու Թուրքիայի խորհրդարանի որոշումից: Առանց խորհրդարանի հավանության, կառավարությունը չի կարող հատկացնել այդպիսի մանդատ:
Սիրիայում օպերացիային կարող են մասնակցել 20-25 երկրի դաշնակցային ուժեր: Թուրքիան պատրաստ է իր տեղը զբաղեցնել այդ գործողությունում, որի նպատակը Սիրիայում արյունահեղության դադարեցումն է»:
