Անիրականանալի է Աբխազիան ու Հարավային Օսիան վրացական պետության կազմում ներառելու Թբիլիսիի ձգտումը. Լավրով
Новости-Грузия լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովն Աբխազիայի պետական հեռուստառադիոընկերությանը տված հարցազրույցի ժամանակ հայտարարել է, որ Ռուսաստանը ողջունում է Աբխազիայի ու Հարավային Օսիայի հետ հարաբերությունների հնարավոր վերականգնման ու ուղիղ երկխոսությանը պատրաստ լինելու Վրաստանի կառավարության հայտարարությունը:
Դրա հետ մեկտեղ Լավրովն ընդգծել է, որ չի կատարվի Աբխազիան ու Հարավային Օսիան վրացական պետության կազմում ներառելու Թբիլիսիի ձգտումը: Լավրովի խոսքերով՝ դա բացարձակապես անիրականանալի բան է: Լավրովն ընդգծել է, որ անհրաժեշտ է մտածել մարդկանց մասին և ոչ թե աշխարհաքաղաքական հավակնությունների մասին:
