Հոսնի Մուբարաքը կստանա տնային կալանք
Ռուսական РИА Новости լրատվական գործակալության փոխանցմամբ՝ Եգիպտոսի նախկին նախագահ Հոսնի Մուբարաքն այսօր ազատ կարձակվի բանտից, որում գտնվել է ավելի քան երկու տարի: Չնայած դրան՝ նա առնվելու է տնային կալանքի տակ Կահիրեի զինվորական հոսպիտալներից մեկում:
Կահիրեի դատարանը երեկ հանել է կոռուպցիայի գործով նրա դեմ ներկայացված վերջին մեղադրանքը: Եգիպտոսի գլխավոր դատախազությունը հայտարարել է, որ չի վիճարկելու Մուբարաքին ազատ արձակելու մասին որոշումը:
Այժմ տնային կալանքի տակ գտնվելիս Մուբարաքը սպասելու է 2011 թվականի հունվարին ցուցարարներին սպանելու գործով կրկնակի դատալսմանը: «Դարի գործով» լսումները նշանակված են օգոստոսի 25-ին:
