Հասան Ռոուհանին ստեղծել է Ուրմիա լճի պահպանման գծով աշխատանքային խումբ
Ռուսական Regnum լրատվական գործակալության փոխանցմամբ՝ Իրանի նորընտիր նախագահ Հասան Ռոուհանիի առաջին քայլերից մեկը աշխատանքային խմբի ստեղծումն է, որի առաջադրանքն է լինելու Ուրմիա լճի պահպանման խնդրի լուծումը:
Լրագրողների հետ զրույցում Ռոուհանին հայտարարել է, որ ինչպես խոստացել էր ավելի վաղ ստեղծել է Ուրմիա լիճը փրկելու խնդրով զբաղվող աշխատանքայն խումբ, որը գլխավորելու է էներգետիկայի նախարար Համիդ Չիթչիանը:
Նախագահի ստեղծած այդ աշխատանքային խմբի մեջ են մտել գյուղատնտեսության ու ներքին գործերի նախարարները, շրջակա միջավայրի պաշտպանության կազմակերպության ղեկավարը և պլանավորման ու ռազմավարական վերահսկման գծով փոխնախագահի ներկայացուցիչը:
Տվյալների հետազոտությունից հետո խումբը պետք է երկու ամսվա ընթացքում կառավարությանը ներկայացնի Ուրմիա լճի պահպանման վերաբերյալ իր առաջարկները:
