Սաակաշվիլիին անհանգստացրել է բանտերում տիրող իրավիճակը
Новости-Грузия լրատվական գործակալության փոխանցմամբ՝ Վրաստանի նախագահ Միխեիլ Սաակաշվիլին Թբիլիսիում լրագրողների հետ զրույցում հայտարարել է, որ դժգոհ է վրացական բանտերում տիրող իրավիճակից.
«Մեր ժամանակ ե՞րբ է տեղի ունեցել նման բան, ինչ այսօր տեղի է ունենում վրացական բանտերում: Բանտերում անհասկանալի հանգամանքներում սկսել են բանտարկյալներ սպանվել:
Եթե իմ ղեկավարման ժամանակ բանտարկյալին սպանեին բանտի վարչակազմի հրահանգով, ապա ինձ կհռչակեին մարդկության թշնամի:
Սակայն դա տեղի չունեցավ նրանց (նոր իշխանությունների) հետ, բանտապետին չհանեցին զբաղեցրած պաշտոնից, քանի որ նա հանդիսանում է Բաչո Ախալայայի գործով գլխավոր վկա»:
Սաակաշվիլին նկատի է ունեցել այս տարվա մայիսի 12-ին թիվ 14 բանտում Լևան Կորտավայի սպանությունը, ինչում հետաքննության տվյալներով մեղավոր են բանտի չորս աշխատակից:
