Ամերիկյան տարրական դպրոցներից մեկում կրակոցներ են հնչել
![](https://168.am/wp-content/uploads/2013/08/pic_0334b772a8d626c94f2f3d0eb9cb0bc1.jpg)
CNN հեռուստաալիքի փոխանցմամբ՝ օգոստոսի 20-ին կրակոցներ են հնչել ԱՄՆ Ջորջիա նահանգի Ատլանտա քաղաքի արվարձանի տարրական դպրոցում: Այս մասին հայտարարել է դպրոցի պաշտոնական ներկայացուցիչը, որի խոսքերով՝ կրակոցներից ոչ մի աշակերտ չի տուժել:
Ներկայումս դեռ հայտնի չէ, թե կոնկրետ որտեղ են գրանցվել կրակոցները՝ դպրոցի շենքի ներսո՞ւմ, թե՞ մոտակայքում: Կրակոցներից հետո դպրոցականներին տարհանել են դպրոցից: Ոստիկանությունը ձերբակալել է կրակոցներ արձակածներից մեկին, ով զինված է եղել AK-47 ինքնաձիգով: Այլ մանրամասներ առայժմ չեն հաղորդվում: