Եմենում բացվել է ԱՄՆ դեսպանատունը
Ռուսական РИА Новости լրատվական գործակալության փոխանցմամբ՝ ԱՄՆ-ը բացել է Եմենի մայրաքաղաք Սանայում իր դեսպանատունը: Այս մասին երեկ հայտարարել է ԱՄՆ պետդեպարտամենտը:
Վերջինիս հաղորդմամբ՝ դեսպանատունը բացվել է դեռևս կիրակի՝ քաղաքացիներին «սահմանափակ մի շարք ծառայություններ» ցուցաբերելու համար: Սանայում ԱՄՆ դեսպանատունը փակվել էր օգոստոսի 4-ին՝ կապված ահաբեկչական սպառնալիքների հետ:
Եմենում ԱՄՆ դեսպանատունը Մերձավոր Արևելքում ու Հյուսիսային Աֆրիկայում փակված ԱՄՆ 19 դիվանագիտական ներկայացուցչություններից բացվեց ամենավերջինը՝ չհաշված ցայժմ փակ մնացած Պակիստանի Լահոր քաղաքում ԱՄՆ հյուպատոսությունը: Մյուս դեսպանատների մեծ մասը բացվել էր օգոստոսի 11-ից:
