Իրանի արտգործնախարարը դառնալու է միջուկային ծրագրի հարցով գլխավոր բանագնաց. Associated Press
Ամերիկյան Associated Press լրատվական գործակալության փոխանցմամբ՝ Իրանի արտգործնախարար Մոհամմադ Ջավադ Զարիֆը դառնալու է Իրանի միջուկային ծրագրի հարցով գլխավոր բանագնաց:
Ավելի վաղ «Վեցյակի» հետ բանակցությունները վարում էր Ազգային անվտանգության բարձրագույն խորհրդի քարտուղարը: Այս մասին գործակալությանը հայտնել է անանուն դիվանագիտական աղբյուրը: Վերջինիս խոսքերով էլ՝ Իրանի միջուկային թղթապանակը հանձնվել է արտգործնախարարին:
