ԿԽՄԿ-ի ներկայացուցիչները վաղը կհանդիպեն Ադրբեջանում պահվող Հակոբ Ինջիղուլյանի հետ
Ադրբեջանական APA լրատվական գործակալության փոխանցմամբ՝ Կարմիր Խաչի միջազգային կոմիտեի (ԿԽՄԿ) Բաքվի գրասենյակի ներկայացուցիչները վաղը ժամը 16.00-ին հանդիպելու են չկողմնորոշվելու պատճառով օգոստոսի 7-ի լույս 8-ի գիշերն ադրբեջանական սահմանը հատած զինծառայող Հակոբ Ինջիղուլյանի հետ:
Այս մասին այսօր հայտարարել է Ադրբեջանի ՊՆ-ի մամլո ծառայության պետ Էլդար Սաբիրօղլուն: Վերջինիս խոսքերով՝ որևէ խնդիր չկա Ինջիղուլյանի հետ ԿԽՄԿ-ի ներկայացուցիչների հանդիպման համար:
