Թուրքիայում մեկնարկել են Աֆղանստանի ու Պակիստանի հետ համատեղ զորավարժությունները
Թուրքական Anadolu լրատվական գործակալության փոխանցմամբ՝ Թուրքիայում մեկնարկել են Աֆղանստանի ու Պակիստանի հետ համատեղ զորավարժությունները: Այս մասին նշված է Թուրքիայի զինված ուժերի Գլխավոր շտաբի տարածած հաղորդագրությունում:
Դրանում նշված է, որ վարժանքներին մասնակցում են Թուրքիայի, Աֆղանստանի ու Պակիստանի հատուկ նշանակության ստորաբաժանումները: Զորավարժության անցկացման նպատակը երեք երկրների միջև ռազմական ոլորտում համագործակցության ընդլայնումն է, և գիտելիքների ու փորձի կիսումը:
Զորավարժությունները տևելու են մինչև օգոստոսի 28-ը: Դրանք անցկացվում են Թուրքիայի հարավ-արևմտյան հատվածում ընկած Ըսփարթա նահանգի Էղիրդիր լեռան շրջանում:
