WikiLeaks-ը համացանցում տեղադրել է 400 գիգաբայթ բացահայտող տեղեկատվություն
Russia Today-ի փոխանցմամբ՝ WikiLeaks պորտալը երեկ հրապարակել է բացահայտող փաստաթղթերի նոր խմբաքանակ: Խոսքը գնում է 400 գիգաբայթ թարմ տեղեկատվության մասին, որոնք բեռնման համար մատչելի են ինտերնետից օգտվող յուրաքանչյուրի համար:
Սակայն գաղտնի ֆայլերը պաշտպանված են բանալիով, որոնք WikiLeaks-ը խոստանում է «բաժանել» ցանցում, եթե վնաս հասցվի կազմակերպության առանցքային ֆիգուրներից մեկին:
Facebook-ում և Twitter-ում WikiLeaks-ի էջերում երեկ տեղադրված ֆայլերը, առանց գաղտնաբառ ունենալու, հնարավոր չի լինում բացել համակարգչում բեռնումից հետո, քանի որ WikiLeaks-ը հանդես է եկել որպես իր աշխատակիցների, առաջին հերթին Ջուլիան Ասանժի ու Էդվարդ Սնոուդենի անվտանգության երաշխավոր:
