Իրանի արտգործնախարարը կոչ է արել Եգիպտոսում ստեղծված իրավիճակը լուծել խաղաղ միջոցներով
Ռուսական РИА Новости լրատվական գործակալության փոխանցմամբ՝ Իրանի արտգործնախարար Մոհամմադ Ջավադ Զարիֆը կոչ է արել Եգիպտոսում ստեղծված իրավիճակը լուծել խաղաղ միջոցներով և ժողովրդավարական սկզբունքները պահպանելով:
Այս մասին նշված է Իրանի ԱԳՆ-ի կայքում: Ավելի վաղ Իրանի արտգործնախարարն Իսլամական համագործակցության կազմակերպությանը (ԻՀԿ) կոչ էր արել միջամտել՝ հակազդելու համար երկրում լարվածության հետագա աճին:
Իրանի արտգործնախարարն անհանգստություն է հայտնել այն աղետալի իրադարձությունների կապակցությամբ, որոնք հանգեցրել են անպաշտպան մարդկանց զանգվածային կործանմանը:
