Պուտինը ժամանել է Ադրբեջան
Ադրբեջանական Turan լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը ժամանել է Ադրբեջան: Արդեն իսկ մեկնարկել է նրա և Ադրբեջանի նախագահ Իլհամ Ալիևի հանդիպումը:
Բանակցություններն անցկացվում են «տետ-ա-տետ» ձևաչափով, ապա շարունակվելու են ընդլայնված կազմով: Պուտինին ուղեկցում է կառավարական մեծ պատվիրակություն՝ ներառյալ արտաքին գործերի ու պաշտպանության նախարարները:
Ապա տեղի է ունենալու երկկողմանի փաստաթղթերի ստորագրում և նախագահների համատեղ մամուլի ասուլիսը: Այսօր երեկոյան Պուտինը կլքի Բաքուն և կմեկնի Գաբալա, ուր և բանակցությունները կշարունակվեն վաղը:
