Իսրայելական անօդաչու թռչող սարքերն ավիահարվածներ են հասցրել Եգիպտոսի տարածքին. Al Jazeera
Al Jazeera հեռուստաալիքի փոխանցմամբ` իսրայելական անօդաչու թռչող սարքերն (ԱԹՍ) անցած գիշեր ավիահարվածներ են հասցրել Եգիպտոսի տարածքին` Սինայի թերակղզուն: Ավիահարվածների հետևանքով զոհվել է առնվազն հինգ մարդ, որոնց կասկածում էին Իսրայելի նկատմամբ ահաբեկչություններ և հրթիռային հարձակումներ նախապատրաստելու մեջ:
Եգիպտական կողմը պնդում է, որ այդ օպերացիան պլանավորված է եղել նախապես և իրականացվել է Կահիրեի համաձայնությամբ: Իսրայելի տվյալ գործողությունն առաջինն է` սկսած 1979 թվականից:
Նշվում է, որ 2013 թվականի հուլիսին եգիպտական բանակը Սինայի թերակղզում ոչնչացրել է մոտ 60 զինյալի: Զինյալների դեմ պայքարելու համար Եգիպտոսը Սինայի թերակղզում կենտրոնացրել է զգալի ուժեր, այդ թվում նաև գրոհիչ ուղղաթիռներ:
