Ճապոնիան ներկայացրել է Երկրորդ համաշխարհային պատերազմից ի վեր իր խոշորագույն ռազմանավը (տեսանյութ)
Sky News-ի փոխանցմամբ՝ Ճապոնիան ներկայացրել է Երկրորդ համաշխարհային պատերազմի ավարտից ի վեր իր խոշորագույն ռազմանավը: «Իձումո» անվանմամբ նավը պաշտոնապես նախատեսված է 14 ուղղաթիռ փոխադրելու համար:
Սակայն փորձագետներն ընդգծում են, որ 250 մետրանոց թռիչքուղով ռազմանավը հեշտությամբ կարող է վերածվել հզոր ավիակրի, ինչն անհանգստացրել է Ճապոնիայի հարևաններին: Ուղղաթիռակրի երկարությունը կազմել է 248 մետր, լայնությունը՝ 38 մետր, ջրատարողությունը՝ 24.000 տոննա:
«Իձումոյի» ստեղծման աշխատանքները մեկնարկել են 2009 թվականին, սակայն նրա հայտնվելը համընկել է ճապոնա-չինական հարաբերությունների սրման ֆոնին՝ կապված Սենկակու կղզիների հետ:
