Իսրայելցի 4 զինծառայող է վիրավորվել Լիբանանի հետ սահմանին
Իսրայելական Haaretz թերթի փոխանցմամբ՝ Լիբանանի հետ սահմանին գրանցված պայթյունի հետևանքով իսրայելցի չորս զինծառայող ստացել է տարբեր աստիճանի մարմնական վնասվածքներ: Նրանց տեղափոխել են Նագարիա քաղաքի հիվանդանոց:
Իսրայելի պաշտպանության նախարարությունը հայտնել է, որ միջադեպը գրանցվել է օգոստոսի 7-ի առավոտյան, երբ զինծառայողներն իրենց գործունությունն են իրականացրել Լիբանանի հետ անմիջական սահմանին:
Իսրայելական հրամանատարությունը չի ներկայացրել միջադեպի հետ կապված այլ մանրամասներ: Լիբանանցի զինվորականներն իրենց հերթին հայտնել են, որ իսրայելական ջիպը, որում գտնվել են զինվորներ, 150 մետրով մտել է հարակից տարածք և պայթել ականի վրա:
