Իրանը պատրաստ է իր միջուկային ծրագրի շուրջ լուրջ բանակցություններ սկսել Արևմուտքի հետ. Ռոուհանի
BBC-ի փոխանցմամբ՝ Իրանի նախագահ Հասան Ռոուհանին երդմանակալությունից հետո իր առաջին մամլո ասուլիսի ժամանակ քննադատել է Իրանի հանդեպ ԱՄՆ-ի քաղաքականությունը:
Դրա հետ մեկտեղ նա հայտարարել է, որ պատրաստ է Իրանի միջուկային ծրագրի շուրջ լուրջ բանակցություններ սկսել Արևմուտքի հետ: Ռոուհանին ընդգծել է, որ պետք չէ տվյալ հարցում զիջումներ ակնկալել Իրանից:
Իրանի նախագահը հավելել է, որ միջուկային ծրագրի հարցում բանակցող մյուս կողմը պետք է հասկանա, որ այդ հարցի լուծմանը կարելի է հասնել միայն բանակցությունների և ոչ թե սպառնալիքների միջոցով:
