Բաղդադի մարդաշատ շուկաների մոտ 8 պայթյուն է որոտացել. կա 36 զոհ
Ամերիկյան Associated Press լրատվական գործակալության փոխանցմամբ՝ երեկ մի շարք պայթյուններ են գրանցվել Իրաքի մայրաքաղաք Բաղդադում, ինչի հետևանքով զոհվել է 36 և վիրավորվել է ավելի քան 110 մարդ: Այս մասին հայտնել են տեղի իշխանությունները:
Նշվում է, որ ընդհանուր առմամբ, 8 պայթյուն է որոտացել Բաղդադի մարդաշատ շուկաների մոտ: Ահաբեկիչներն այդ նպատակով օգտագործել են ռումբով բեռնված ավտոմեքենաներ ու ֆուգասներ:
Գործակալության հաշվարկներով՝ ներկայիս Ռամադան (մուսուլմանների համար սրբազան) ամսվա սկսվելուց հետո Իրաքում իրականացված ահաբեկչությունների հետևանքով զոհվել է առնվազն 650 մարդ:
