Եգիպտոսում Մուրսիի կողմնակիցները պատրաստվում են մասշտաբային նոր ակցիա անցկացնելուն
Al Jazeera հեռուստաալիքի փոխանցմամբ՝ Եգիպտոսի՝ պաշտոնանկ արված նախագահ Մոհամմեդ Մուրսիի կողմնակիցները կոչ են արել անցկացնել մասշտաբային նոր բողոքի ակցիա՝ մեկ միլիոն ցուցարարի մասնակցությամբ:
Ակցիան անցկացվելու է «Դիմակայություն ընդդեմ հեղաշրջման» կարգախոսի ներքո: Նրանք հայտարարել են, որ եգիպտական բանակը պայթյուններ է կազմակերպում, ինչում մեղադրում է իրենց՝ Մուրսիի կողմնակիցներին, ինչը նրանց կարծիքով արվում է նրա համար, որ կանխվեն բողոքի ակցիաները և կոտրվի ցուցարարների կամքը:
Եգիպտական ընդդիմադիր «Հեղափոխության ապագա» կուսակցության ղեկավար Այման Նուրը Եգիպտոսի նոր իշխանություններին կոչ է արել չկրկնել նախկին նախագահ Մուրսիի սխալները: Նուրի կարծիքով՝ Եգիպտոսում հակամարտող բոլոր կողմերը պետք է բանակցություններ սկսեն՝ հակամարտության կարգավորման «ճանապարհային քարտեզ» մշակելու համար:
