Եգիպտոսի կառավարությունը ոստիկանությանը հատկացրել է 48 ժամ`շրջափակելու համար իսլամիստների ճամբարները
BBC-ի փոխանցմամբ`Եգիպտոսի կառավարությունը ոստիկանությանը հատկացրել է 48 ժամ`շրջափակելու համար գահընկեց արված նախագահ Մոհամմեդ Մուրսիի կողմնակիցների ճամբարը, ինչը պետք է արվի «բոլորին դուրս թողնել, ոչ ոքի ներս չթողնել» սկզբունքով: Այս մասին հայտնել է Եգիպտոսի պետական հեռուստատեսությունը:
Վերջին շրջանում Մուրսիի կողմնակիցները զանգվածային նստացույց-գործադուլներ են կազմակերպում քաղաքային հրապարակներում: Արդեն մի քանի շաբաթ է, ինչ Կահիրեում ստեղծվել են իսլամիստների մի շարք ճամբարներ, ուր հավաքվել են հազարավոր մարդիկ:
Չորեքշաբթի իշխանությունները ցուցարարներից պահանջել են դադարեցնել ակցիաները, որոնք նրանց կարծիքով սպառնում են երկրի ազգային անվտանգությանը, սակայն մերժում են ստացել:
