Ալի Խամենեին նախագահի պաշտոնում այսօր հաստատելու է Հասան Ռոուհանիին
Ռուսական ИТАР-ТАСС լրատվական գործակալության փոխանցմամբ`Իրանի գերագույն ղեկավար և հոգևոր առաջնորդ, այաթոլլահ Ալի Խամենեին նախագահի պաշտոնում այսօր հաստատելու է 64-ամյա Հասան Ռոուհանիին:
Սահմանադրության համաձայն, դրանից հետո կսկսվի նախագահի պաշտոնում Ռոուհանիի 4 տարով գտնվելու հաշվարկը: Ռոուհանին հայտնի է որպես ճկուն քաղաքական գործիչ և ռեֆորմիստ: Վաղը Թեհրանում պետք է տեղի ունենա նրա երդմնակալության արարողությունը, որին մասնակցելու են 52 երկրի պատվավոր հյուրեր: