Հասան Ռոուհանին Իսրայելը որակել է որպես «իսլամական աշխարհի մարմնի թարախային ուռուցք»
Ռուսական ИТАР-ТАСС լրատվական գործակալության փոխանցմամբ՝ Իրանի նորընտիր նախագահ Հասան Ռոուհանին այսօր կոչ է արել ոչնչացնել Իսրայել պետությունը:
Ելույթ ունենալով Թեհրանում կազմակերպված զանգվածային հանրահավաքում, որը նվիրված է եղել մուսուլմանական մի շարք երկրներում նշվող Պաղեստինի օրվան, Ռոուհանին հրեական պետությունը որակել է որպես «իսլամական աշխարհի մարմնի թարախային ուռուցք, ինչն անհրաժեշտ է հեռացնել»:
Ռոուհանին իր նախագահական պարտականությունների կատարմանը պաշտոնապես ձեռնամուխ է լինելու օգոստոսի 3-ին, այն բանից հետո, ինչ Իրանի գերագույն ղեկավար և հոգևոր առաջնորդ, այաթոլլահ Ալի Խամենեին կհաստատի հունիսի 14-ի ընտրությունների արդյունքները:
