Ասադի բանակն իր վերահսկողության տակ է առել Հոմսի մոտ 80 տոկոսը. աղբյուր
Իսրայելական MIGnews-ի փոխանցմամբ՝ Սիրիայի նախագահ Բաշար Ասադի բանակը շարունակում է նեղել ապստամբներին: Սիրիական բանակն ամբողջովին վերահսկողություն է հաստատել Հոմս քաղաքի կենտրոնական հատվածի վրա, իսկ շուտով կգրավի ողջ քաղաքը: Այս մասին հայտարարել է սիրիացի բարձրաստիճան աղբյուրը:
Վերջինիս հաղորդմամբ՝ ապստամբների դիպուկահարները նախկինի նման գործում են երկրի արևմտյան հատվածում գտնվող այդ քաղաքի ծայրամասերում, սակայն բանակը շարունակում է ճնշում գործադրել ապստամբների նկատմամբ:
Լրագրողները նշել են, որ սիրիական բանակն ապստամբներից հետ է վերցրել Հոմսի տարածքի մոտ 80 տոկոսը, իսկ ապստամբները Հոմսում վերահսկում են միայն Հին քաղաքը և մի շարք այլ շրջաններ: Հոմսի գրոհին Ասադի բանակի կողմից մասնակցում են նաև լիբանանյան «Հզբոլլահ» շարժման զինյալները:
