Ամենաթանկ վիսկին արժե 6,2 մլն դոլար
Luxury Beverage ընկերությունը ստեղծել է աշխարհի ամենաթանկ վիսկին: Ինչպես գրում է luxlux.net կայքը, այն պատրաստվել է այս ալկոհոլային խմիչքի հայրենիքում՝ Շոտլանդիայում: Խմիչքի հեղինակները, սակայն, շեշտը դրել են ոչ թե դրա համի, այլ ձևավորման վրա: Վիսկին արտադրվել է երկու տարբերակով. Առաջինի շիշը պատրաստված է բյուրեղապակուց, զարդարված է 8,5 հազար ադամանդներով և 300 սուտակներով: Այս շիշը փակվում է սպիտակ ոսկուց պատրաստված փականով:
Երկրորդը ևս պատրաստված է բյուրեղապակուց, զարդարված է սպիտակ ոսկով ու ադամանդներով: Վիսկին վաճառվում է 6,2 մլն դոլարով:
