Ջոն Քերին և Սերգեյ Լավրովը քննարկել են Սնոուդենի հարցը
Բրիտանական Reuters լրատվական գործակալության փոխանցմամբ՝ ԱՄՆ պետդեպարտամենտի մամլո ծառայության ներկայացուցիչ Ջեն Պսակին հայտարարել է, որ Վաշինգտոնը խոր հիասթափություն կապրի ռուսական իշխանությունների ցանկացած գործողության կապակցությամբ, որն Էդվար Սնոուդենին թույլ կտա լքել «Շերեմետևո» օդանավակայանը:
Նա հավելել է, որ ԱՄՆ պետքարտուղար Ջոն Քերին հեռախոսազրույց է ունեցել Ռուսաստանի արտգործնախարար Սերգեյ Լավրովի հետ, որի ժամանակ նրանք մեծապես քննարկել են Սնոուդենի շուրջ ստեղծված իրավիճակը:
Հիշեցնենք, որ երեկ ռուսական մամուլը գրել էր, թե Ռուսաստանի Դաշնային միգրացիոն ծառայությունը Սնոուդենին թույլատրել է հատել երկրի սահմանը:
