Ինչպես է Հայաստանի խանութներում վաճառվող հացը «կերպարանափոխվում» բուլկու

Մինչ հասարակության ուշադրությունը կենտրոնացած է հասարական տրանսպորտի թանկացման վրա, «գծատերերից» ետ չեն մնում նաև հաց արտադրողները։ Պարզապես նրանք նախընտրում են ոչ թե ուղղակիորեն բարձրացնել հացի գինը, այլ՝ դա անել անուղղակի ճանապարհով՝ փոքրացնելով հացի քաշը։ Ընդ որում, հացը փոքրանում է ոչ թե միանգամից (այդպես փոփոխությունը նկատելի կլինի և դժգոհության ալիք կբարձրացնի), այլև աստիճանաբար։ Արդյունքում, օրինակ, «Ռուսական բատոնը» այնքան է փոքրացել, որ գրեթե չի տարբերվում բուլկուց։ Այս մասին 168.am-ին ահազանգել են ընթերցողները՝ ավելացնելով, որ ի լրումն այս ամենի՝ խանութներում վաճառվող հացի գինն այսօրվանից ավելացել է 10 դրամով։