Ցանկացած թանկացում բերում է սոցիալական ծանր ցնցումների. Արագած Ախոյան
Ինչի՞ կարող է հանգեցնել տրանսպորտի թանկացման հետ կապված քաղաքացիների բողոքը: Ի պատասխան 168.am-ի այս հարցի՝ ԲՀԿ-ական պատգամավոր, ԱԺ սոցիալական հարցերի մշտական հանձնաժողովի անդամ Արագած Ախոյանը չբացառեց ցնցումների հավանականությունը:
«Ցանկացած թանկացում բերում է սոցիալական ծանր ցնցումների, ուղղակի պետք է ուսումնասիրել, թե ինչի հետ է կապված: Մենք բոլորս էլ գիտենք երկրի այսօրվա սոցիալական ու տնտեսական ծանր վիճակը»,- ասաց Ախոյանը:
Հարցին՝ Գագիկ Ծառուկյանը խոտացել էր աջակցություն ցուցաբերել տրանսպորտի թանկացման հարցով, ի՞նչ է արվելու, Ա.Ախոյանը պատասխանեց, որ տեղյակ չէ դրանից, որովհետև հանրապետությունում չէ:
ԱԺ նույն՝ սոցիալական հարցերի մշտական հանձնաժողովի նախագահ Հակոբ Հակոբյանը հրաժարվեց որևէ կերպ մեկնաբանել այսօրվա բողոքի ակցիաները՝ պատճառաբանելով, թե հանգստյան օր է. «Աստծո օրենքով կա հանգստի օր, 3 օրից զանգեք»:
