«Բաքու-Թբիլիսի-Կարս» երկաթուղու կառուցումը կավարտվի 2014 թվականին. Զիյա Մամեդով
Businnes Грузия-ի փոխանցմամբ`Ադրբեջանի տրանսպորտի նախարարությունն իրազեկել է «Բաքու-Թբիլիսի-Կարս» (ԲԹԿ) երկաթուղու կառուցման հարցում հերթական ձգձգումների մասին: Ադրբեջանի կառավարության նիստում Տրանսպորտի նախարար Զիյա Մամեդովը հայտարարել է, որ ԲԹԿ-ի կառուցումը կավարտվի 2014 թվականին.
«Դա տեղի կունենա` չնայած Վրաստանի ու Թուրքիայի սահմանի միջև տեղանքի բարդ ռելիեֆին ու կլիմայական պայմաններին: Այսօր այնտեղ կառուցվող 4.2 կիլոմետրանոց թունելից կառուցված է արդեն իսկ 2 կիլոմետրը և Ախալքալաքից Թուրքիա 29 կիլոմետրից` 9 կիլոմետրը»:
Առավել վաղ նշվում էր, թե ԲԹԿ-ի կառուցումն ավարտվելու է այս տարվա վերջին:
