Դանակահարություն Գյումրիում (լուսանկաներ)
Երեկ՝ հուլիսի 16-ին Գյումրիի ոստիկանության Մուշի բաժին «Գյումրի բժշկական կենտրոն»-ից հաղորդում է ստացվել այն մասին, որ նույն օրը շտապբուժօգնության մեքենայով կենտրոն են տեղափոխվել Անտառավան 4 թաղամասի 11 Ա շենքի 12 բնակարանի բնակիչներ Արփինե Էդգարի Չաքմիշյանը եւ Անիչկա Լեւուշի Չաքմիշյանը:
Վերջինս հաղորդում է տվել այն մասին, որ ժամը 23:00-ի սահմաններում իր որդին՝ Արթուր Աշոտի Չաքմիշյանը , տանը՝ վիճաբանության ժամանակ, խոհանոցային դանակով հարվածել է իրեն եւ հարսին՝ պատճառելով վնասվածք: Դեպքով զբաղվում է Շիրակի մարզի քննչական բաժինը: Այս մասին tsayg.am–ի հարցմանն ի պատասխան նշել է Շիրակի մարզային ոստիկանության հերթապահ բաժնի պատասխանատուն: Շրջանառվող լուրերի համաձայն վիճաբանությունը ծագել է խանդի հողի վրա: Առիթ հանդիսացել է սոցիալական կայքով շփումը: Նշենք, որ 1985 թվականին ծնված Արփինե Չաքմիշյանի մոտ եղել է որովայնի առաջնային պատի, պարանոցի շրջանի, ձախ վերին ծայրանդամի բազմաթիվ կտրված-ծակված վերքեր, արտաքին արյունահոսության: Ցուցաբերվել է համապատասխան բուժօգնություն: Վիրահատվել է եւ գտնվում Բժշկական կենտրոնի վերակենդանացման բաժանմունքում:
