Եգիպտոսի դատախազությունը սկսել է հետաքննել 2011 թվականին Մուրսիի փախուստը բանտից
Բրիտանական Reuters լրատվական գործակալության փոխանցմամբ՝ Եգիպտոսի դատախազությունը հրահանգել է հետաքննություն սկսել գահընկեց արված նախագահ Մոհամմեդ Մուրսիի և «Մուսուլման եղբայրների» այլ առաջնորդների նկատմամբ:
Խոսքը գնում է 2011 թվականի եգիպտական հեղափոխության օրերին «Վադի էն-Նատրուն» բանտից Մուրսիի ու նրա մի շարք համակիրների իրականացրած փախուստի հետաքննման մասին:
Մուրսին զինվորականների կողմից գահընկեց է արվել հուլիսի 3-ին, ինչին նախորդել են եգիպտացիների զանգվածային բողոքի ակցիաները, որոնցում պահանջվում էր նրա հրաժարականը: Ներկայումս Մուրսին գտնվում է Եգիպտոսի զինված ուժերի օբյեկտներից մեկում:
