Հալեպում Էրդողանին զրկել են պատվավոր դոկտորի կոչումից
Թուրքական Milliyet թերթի փոխանցմամբ՝ Սիրիայի Հալեպ քաղաքի Համալսարանական խորհուրդը որոշել է Թուրքիայի վարչապետ Ռեջեփ Էրդողանին զրկել միջազգային հարաբերությունների պատվավոր դոկտորի կոչումից: Էրդողանին այդ գիտական տիտղոսը շնորհվել էր 2009 թվականին:
Հալեպի համալսարանի ռեկտոր Խոդր ալ-Օրֆալին Համալսարանական խորհրդի նիստում հայտարարել է, որ Թուրքիայի վարչապետին պատվավոր դոկտորի աստիճանից զրկելը նշան է Թուրքիայի ժողովրդի հետ համերաշխության, որը հանդես է գալիս Էրդողանի ներքին քաղաքականության դեմ.
«Իրականում այդ տիտղոսին արժանի է թուրք ժողովուրդը, որը ցանկություն է հայտնում ամրագրել երկու երկրների միջև բարեկամական հարաբերությունները»:
