Կառավարության նվերը՝ հանրակացարանի բնակիչներին
ՀՀ Կառավարությունը որոշել է Երևան քաղաքի Վարդաշեն 6-րդ փողոցի թիվ 68ա հասցեի հանրակացարանում բնակվող Հայաստանի Հանրապետության քաղաքացիներին Հայաստանի Հանրապետության օրենսդրությամբ սահմանված կարգով նվիրել իրենց կողմից զբաղեցված բնակելի տարածքները` համաձայն հավելվածի, ընդհանուր բաժնային սեփականության իրավունքով, հավասար բաժիններով: Համապատասխան որոշումը ներառված է կառավարության՝ հինգշաբթի օրը տեղի ունենալիք նիստում։ Նշենք, որ հանրակացարանի շենքը գտնվում է Հայաստանի Հանրապետության կառավարությանն առընթեր պետական գույքի կառավարման վարչության աշխատակազմի տնօրինության տակ։ Ավելացնենք, որ որոշումը վերաբերում է երեք ընտանիքների, քանի որ մյուս բնակիչները արդեն սեփականաշնորհել են իրենց բնակեցրած տարածքները։
