Քաղաքային աղբավայր` Դիլիջանի ճամփեզրին (լուսանկարներ)
Տավուշի մարզի Դիլիջան քաղաքի սկզբնամասում գտնվող աղբավայրը դժգոհությունների մեծ ալիք է բարձրացնում Դիլիջան մեկնող քաղաքացիների մոտ: Աղբավայրը գտնվում է ճանապարհին մոտ` տեսանելի վայրում, որը միմիայն գարշանք է առաջացնում մարդկանց մոտ: Ի դեպ, հսկա աղբանոցի ներքևում հոսում է նաև փոքրիկ գետակ, որն, ըստ տեղեկությունների, Աղստև գետին է միանում: Աղբանոց բերված շինարարական ու կենցաղային աղբի որոշակի մաս լցվում է նաև հենց գետի մեջ: Որոշ անբարեխիղճ վարորդներ աղբով բեռնված մեքենաները դատարկել են նաև ճամփեզրին: Խնդրի հետ կապված՝ փորձեցինք լսել նաև քաղաքապետարանի համապատասխան բաժնի ղեկավարի կարծիքը, սակայն պարզվեց, որ այն մարդը, ով իրավասու է մեկնաբանություն տալ, տեղում չէ: Պատրաստ ենք լսել նաև երկրորդ կողմի կարծիքը:
Լուսանկարները` Էդվարդ Արզումանյանի
