ՄԱԿ-ի՝ Մարդու իրավունքների խորհրդի նիստում քննադատել են Ադրբեջանին
Ադբեջանական Turan լրատվական գործակալության փոխանցմամբ՝ մայիսի 27-31-ին Ժնևում տեղի ունեցած ՄԱԿ-ի՝ Մարդու իրավունքների խորհրդի նիստում քննադատել են Ադրբեջանին՝ կապված քաղաքացիական ազատությունների սահմանափակման հետ:
Միջազգային իրավապաշտպան կազմակերպությունների ներկայացուցիչներն անհանգստություն են հայտնել Ադրբեջանում քաղաքական ազատությունների խախտման կապակցությամբ:
Ադրբեջանին քննադատել է նաև ՄԱԿ-ի՝ խաղաղ և ազատ հանրահավաքների գծով հատուկ զեկուցող Մաինա Կիյասին: Վերջինս ընդգծել է, որ Ադրբեջանի օրենսդրությունում կատարված վերջին ուղղումները սահմանափակել են արտասահմանից երկրի հասարակական կազմակերպությունների ֆինանսավորման հնարավորությունները:
