Թուրքմենստանը շահագրգռված է «Բաքու-Թբիլիսի-Կարս» երկաթգծի նախագծին միանալում
Ադրբեջանական Trend լրատվական գործակալության փոխանցմամբ՝ Թուրքմենստանը շահագրգռված է «Բաքու-Թբիլիսի-Կարս» երկաթգծի նախագծին միանալում: Այս մասին նշված է Թուրքիայի ու Թուրքմենստանի նախագահներ Աբդուլլահ Գյուլի և Գուրբանգուլի Բերդիմուհամեդովի համատեղ հայտարարության մեջ:
Նախագահներն ընդգծել են առևտրային հարաբերությունների զարգացման տեսանկյունից երկու երկրների միջև անդադար և արագընթաց կապի ապահովումը և կարևորել են ԲԹԿ-ին Թուրքմենստանի միանալը, որով նա դուրս կգա Եվրոպա: Աբդուլլահ Գյուլը պաշտոնական այցով Աշգաբադում է գտնվել մայիսի 29-31-ին:
