Էրդողանը դժգոհ է Ստամբուլի՝ Աթաթուրքի անվան օդանավակայանի աշխատանքից
Թուրքական TRT Haber հեռուստաալիքի փոխանցմամբ՝ Ստամբուլում գտնվող Աթաթուրքի անվան օդանավակայանը չի համապատասխանում երկրի կարիքներին: Այս մասին Բոսֆորի նեղուցի վրա երրորդ կամրջի կառուցման հիմնարկեքի ժամանակ հայտարարել է Թուրքիայի վարչապետ Ռեջեփ Էրդողանը:
Վերջինիս խոսքերով՝ երկրի կարիքներին չհամապատասխանող հենց այդ օդանավակայանում են հետաձգվում չվերթները: Էրդողանը հավելել է, որ Ստամբուլում կառուցվելիք երրորդ օդանավակայանը կհամապատասխանի բոլոր չափորոշիչներին, ինչպես նաև պետական կարիքներին:
Ստամբուլի երրորդ օդանավակայանի կառուցման մասին համաձայնագիրը ստորագրվել է մայիսի 20-ին:
