Սիրիական բանակը հետ է մղել Ալ-Քուսեյրում պաշարվածներին օգնության եկողներին (տեսանյութ)
Al Watan թերթի փոխանցմամբ՝ սիրիական զորքերը հետ են մղել սիրիացի ապստամբների փորձերը՝ ներթափանցելու համար Ալ-Քուսեյր, ուր պաշարված վիճակում են գտնվում զինյալները:
Կառավարական զորքերը վերահսկում են Լիբանանին սահմանակից այդ քաղաքի մեծ մասը, ուր արդեն երկրորդ շաբաթն է, ինչ ընթանում է հակաահաբեկչական խոշոր գործողություն:
Սիրիական ռազմական աղբյուրի պնդմամբ՝ ապստամբների հիմնական հենակետը շարունակում է մնալ Ալ-Քուսեյրի հյուսիսային հատվածը: Հիմնական մարտերն ընթանում է Դաբաայի օդանավակայանի շրջանում, ուր զինյալների դիրքերին հարվածներ են հասցվում օդից:
