Ռուս-ուկրաինական կամավորական կորպուսը կմեկնի Սիրիական ռազմաճակատ (տեսանյութ)
Lenta.ru-ի փոխանցմամբ՝ պլանավորված է Սիրիա ուղարկել ռուս-ուկրաինական կամավորական կորպուս, որը Սիրիայի ղեկավարությանը կօգնի ծայրահեղականների դեմ պայքարում: Կորպուսին արդեն իսկ անդամագրվել է մի քանի հազար մարդ:
Այս մասին հայտարարել է կամավորական կորպուսի ձևավորման նախաձեռնող, ուկրաինական հետախուզության վետերան Սերգեյ Ռազումովսկին: Վերջինիս խոսքերով՝ կորպուսի ձևավորման մասին կոչը լայն արձագանք է գտել շատերի մոտ, ինչը հիմնականում վերաբերում է Ռուսաստանին, Բելառուսին և անգամ Մոլդովային:
Դեռ հայտնի չէ, թե երբ կավարտվի կորպուսի ձևավորումը: Ռազումովսկին կամավորական կորպուսի մասին տեսաուղերձը տարածել էր մայիսի կեսերին:
