Հովիկ Աբրահամյանը «մո՞ւռ» է հանում Էդուարդ Շարմազանովից. մամուլ
««Ժամանակի» տեղեկություններով՝ ԱԺ նախագահ Հովիկ Աբրահամյանը Երևանի ավագանու ընտրություններից հետո ՀՀԿ գրասենյակում բարձրացրել է բոլոր աշխատողների աշխատավարձերը, բայց չի բարձրացրել ՀՀԿ մամլո խոսնակ և ԱԺ փոխնախագահ Էդուարդ Շարմազանովի օգնականների աշխատավարձերը:
Տեղեկացնենք, որ ՀՀԿ-ի ֆինանսական Հ. Աբրահամյանն է համակարգում: ՀՀԿ խմբակցության պատգամավորներին լրացուցիչ կուսակցական աշխատավարձի բաժանումն էլ է նա կարգավորում:
Ասում են, որ գրասենյակում օգնականների աշխատավարձերը 80 հազար դրամից դարձրել է 100 հազար, բայց միտումնավոր չի բարձրացրել Շարմազանովի օգնականների աշխատավարձը:
Կուսակցության աշխատողները դա բացատրում են այն հանգամանքով, որ ԱԺ նախագահը այդպիսով իր «մուռն» է հանում Շարմազանովից այն բանի համար, որ Երևանի ավագանու ընտրություններում նա դարձավ Տարոն Մարգարյանի շտաբի պետ»,- գրում է «Ժամանակ» օրաթերթը:
