Պուտինի պատկերն օգտագործել են շաուրմայի գովազդում

Օդեսսայում Պուտինի լուսանակարը օգտագործվել է Օդեսսայի շաուրմայանոցների մեկի կողմից՝ գովազդային վահանակի վրա։ Այս մասին հաղորդում է տեղական «Думская» կայքը։

Գովազդում Պուտինը պատկերված է՝ շաուրման ձեռքին։ Ընդ որում, ուտեստը ՌԴ նախագահի ձեռքում է «հայտնվել» ֆոտոշոփի միջոցով (բավականին անփույթ մշակված)։ Շաուրմայից բացի՝ կրպակն առաջարկում է նաև հոթ-դոգեր և սուլուգունի, ինչի մասին նույնպես նշվում է գովազդում։

Գովազդը գրավում է անցորդների ուշադրությունը, սակայն հաճախորդների մեծ հոսք չի ապահովում։

Ռուսաստանի հյուպատոսարանն արդեն հայտարարել է, որ նախագահի աշխատակազմը իր համաձայնությունը չի տվել նկարի օգտագործման հարցում։